Кангрэгацыя Божага Культу зацвердзіла новы нямецкамоўны літургічны зборнік
Новы каталіцкі зборнік
малітваў і спеваў для нямецкамоўных краін (“Gotteslob”) з’явіцца перад Адвэнтам 2013
г. Канферэнцыі Біскупаў Германіі і Аўстрыі, а таксама біскуп Бальцана-Брэсанонэ, ужо
далі згоду на публікацыю. Свой дазвол удзяліла таксама Кангрэгацыя Божага Культу і
Дысцыпліны Сакрамэнтаў. Аб гэтым паведаміла прэс-бюро нямецкага епіскапату. Праца
над зборнікам доўжылася 10 гадоў. Цяпер патрэбны год для арганізацыі яго своечасовай
дастаўкі ва ўсе нямецкамоўныя парафіі і супольнасці.
Біскуп Фрыдхельм Хофман,
старшыня камісіі па стварэнні малітоўніка, лічыць, што ён стане своеасаблівай “стравай”
для жыцця ў веры. Кніга ўтрымлівае канкрэтныя прапановы для асабістай і супольнай
малітвы дома і ў касцёле, прапануе шырокі спектр спеваў – старажытных і новых.
Над канцэпцыяй і зместам новага малітоўніка працавалі біскупы, кансультанты
і амаль 100 экспертаў у вобласці літургіі, касцёльнай музыкі, душпастырства, біблійнай
экзэгезы, дагматычнай тэалогіі і духоўнасці.Працэс стварэння суправаджаўся апытаннямі
і тэставаннем. Зборнік будзе цэнтралізавана распаўсюджвацца Біблійным інстытутам у
Штутгарце. Памер першапачатковага накладу – 3,6 млн. экзэмпляраў, заснаваны на папярэдніх
замовах.
Поспех малітоўніка “Gotteslob” у выкарыстанні яго як адзінага інструменту
для спеву і малітвы ва ўсіх парафіях нямецкамоўных краін і рэгіёнаў. За кожный малітвай
і спевам тут закрэплены канкрэтны нумар, які захоўваецца ва ўсіх версіях зборніка
і падчас усіх наступных перавыданняў.