Պենետիկտոս ԺԶ Քահանայապետի Քարտուղարը Նշանակուած Է Քահանայապետական Տան Կառավարիչ։
Պենետիկտոս ԺԶ Քահանայապետը իր անհատական քարտուղարը գերապայծառ Կէորկ Կենշէյն -ը, նշանակեց
որպէս կառավարիչը քահանայապետական տան։ Ս. Աթոռի բանբեր` յիսուսեան հայր Լոմպարտիի յայտարարութեամբ
հայր Կէորկը պիտի պահէ Քահանայապետի անհատական քարտուղարի պաշտօնը։ Ան ապա արքեպիսկոպոս
պիտի օծուի Սրբազան Քահանայապետի ձեռքով Աստուածայայտնութեան տօնին` 6 յունուար 2013-ին։ Գերմանացի
հայր Կէորգ Կենշէյն ծնած է 1956-ին։ Կուսակրօն քահանայ ձեռնադրուած է 1984-ին որպէս ֆրիպուրկ
թեմի անդամ։ Յաջորդաբար նշանակուեցաւ վերոյշեալ թեմին եկեղեցական ատեանի դատաւոր ու խորհրդատու
թեմի առաջնորդին ապա 1995-ին Հռոմ կանչուեցաւ աշխատելու Աստուածային Պաշտամունքի եւ խորհուրդներու
մատակարարման ժողովին մօտ։ 1996-ին տեղափոխուեցաւ հաւատքի ժողով` որպէս կարդինալ Ժոզէֆ
Ռացինկերի անհատական քարտուղար եւ 2005-ին կարդինալ Ռացինկերի Քահանայապետ ընտրութեամբ
հայր Կէորկ հաստատւեցաւ որպէս Քահնայապետի Յատուկ քարտուղար։ Հայր Կէորգ Կենշէյն կը
յաջորդէ կարտինալ Ժէյմս Հարւէի, որ ստնաձնեց Ս. Պօղոս պազիլիքայի Րէկորութիւնը։