Брытанскія манархі змогуць заключаць сужэнства з католікамі
Брытанскі ўрад у пачатку
наступнага года ўвядзе заканадаўства, якое пакладзе канец забароне 300-гадовай даўніны
на тое, каб католікі станавіліся мужам або жонкай брытанскіх манархаў. Пра гэта паведамляе
“ВВС”. Намеснік прэм’ер-міністра Нік Клегг абвясціў, што дасягнута пагадненне ў дачыненні
да заканадаўства, якое дазволіць членам брытанскай каралеўскай сям’і ўступаць у шлюб
з католікамі, не губляючы пры гэтым шанцу на наследаванне пасаду.
Заканадаўства,
аднак, захавае забарону на каталіцкае веравызнанне для самаго брытанскага манарха,
бо кароль ці каралева, згодна з законам, з’яўляюцца кіраўніком Англіканскай Царквы.
Новы
закон таксама адменіць перавагу пры наследаванні прастолу, якое мелі нашчадкі мужчынскага
полу, і дазволіць дачцы кіруючага манарха стаць каралевай, калі яна будзе самым старэйшым
дзіцём у сям’і. Падобнае заканадаўства не так даўно ўжо было прынята ў Швецыі.