Sipas shtypit, Kisha ortodokse qenkej kundër marrëveshjeve me Prishtinën.
Agjensia Ansa njofton se në shtyp duket një lajm, sipas të cilit Sinodi i Kishës ortodokse
serbe qenka shprehur kundër politikës së drejtuesve të Beogradit lidhur me Kosovën
e paska kërkuar shprehimisht nga presidenti Tomislav Nikoliç dhe nga kryeministri
Ivica Dacic, të mos i pranojnë marrëveshjet e fundit për administrimin e përbashkët
të kufirit në veri të Kosovës.Sipas së përjavshmes Nedeljnik, Sinodi i paskej dërguar,
për këtë qëllim, një letër të posaçme si presidentit, ashtu edhe kryeministrit, duke
propozuar një plan të vetin, me tetë pika, për zgjidhjen krizës në Kosovë. Ky, pohimi
i së përjavshmes. Ndërsa Patriku Irinej, përmes një deklarate në gazetën Blic, e përgënjeshtron
lajmin, sipas të cilit Sinodi paskej shkruar e paskej dërguar në instancat më të larta
të shtetit, një letër të tillë: “Nuk ka të bëjë me ne, prej këndej, Kisha distancohet
nga përmbajtja e saj. Kisha nuk mund të ishte autore, e aq më pak, t’ua dërgonte mediave”,
nënvizon Irenej.