Papa emëron imzot Gänswein prefekt të Shtëpisë Papnore.
Benedikti XVI emëroi prefekt të Shtëpisë Papnore, imzot Georg Gänswein, sekretar i
tij i posaçëm, duke e lartuar njëkohësisht, në selinë titullare të Urbisaljes, me
dinjitetin e kryeipeshkvit. Imzot Gänswein, 56 vjeç, nga Waldshut-Baden-Wurttemberg,
Gjermani, u shugurua meshtar më 31 maj 1984. I diplomuar në Drejtësi Kanonike më 1993,
pranë Fakultetit Teologjik të Universitetit të Munihut, pas impenjimit si gjykatës
në Gjykatën dioqezane dhe bashkëpunëtor personal i kryeipeshkvit të Freiburg im Breisgau,
më 1995 nisi detyrën pranë Kongregatës për Kultin Hyjnor dhe Disiplinën e Sakramenteve.
Më 1996 u transferua në Kongregatën për Doktrinën e Fesë, ku më pas, kreu detyrën
e sekretarit personal të kardinalit të asokohshëm Ratcinger, detyrë që e vijoi edhe
kur kardinali u bë Papë. Veç gjermanishtes, njeh edhe italishten, frëngjishten,
anglishten, spanjishten e latinishten.