ஜெர்மன் குடியரசின் அரசுத் தலைவர் திருத்தந்தையுடன் சந்திப்பு
டிச.06,2012. ஜெர்மன் குடியரசின் அரசுத் தலைவர் Joachim Gauck, திருத்தந்தை 16ம் பெனடிக்ட்
அவர்களை இவ்வியாழன் காலை திருப்பீடத்தில் சந்தித்து உரையாடினார். இச்சந்திப்பின்போது,
உலகமயமாக்கப்பட்ட, மத சார்பற்ற வழிகளில் செல்லும் உலகில் ஐரோப்பா சந்தித்துவரும் பிரச்சனைகள்
குறித்து பேசப்பட்டது. சிறப்பாக, தற்போது உலகெங்கும் இன்னும் நிலவிவரும் பொருளாதாரச்
சரிவு குறித்தும், இப்பிரச்சனையில் கத்தோலிக்கத் திருஅவை அளிக்கவல்ல தீர்வுகள் குறித்தும்,
கருத்துக்கள் பரிமாறப்பட்டன. திருத்தந்தையைச் சந்தித்தபின், திருப்பீடச் செயலர் கர்தினால்
தர்சிசியோ பெர்தோனே மற்றும் நாடுகளுடன் உறவுகொள்ளும் திருப்பீட அவையின் நேரடிச் செயலர்
பேரருள்திரு Ettore Balestrero அவர்களையும் ஜெர்மன் அரசுத்தலைவர் சந்தித்து உரையாடினார்.