Ватыканскія арганізатары падарожжаў Папы атрымалі іспанскія ўзнагароды
За ўклад у паспяховую
арганізацыю трох апостальскіх падарожжаў Бэнэдыкта ХVI у Іспанію гэта краіна прызнала
свае высокія ўзнагароды чатыром прадстаўнікам Святога Пасаду: кіраўніку Залы Друку
Апостальскай Сталіцы кс. Фэдэрыка Ламбардзі, галоўнаму рэдактару “L’Osservatore Romano”
Джавані Марыі Віяну, каардынатару падарожжаў Папы Альберта Гасбары і кіраўніку Ватыканскай
жандармерыі Даменіку Джані. “Ордэн Ізабэлы Каталіцкай” быў уручаны ім 5 снежня ў Пасольстве
Іспаніі пры Апостальскай Сталіцы.
Кс. Ламбардзі, дзякуючы каралю Іспаніі
Хуану Карласу за ўзнагароду, адзначыў, што падарожжы Святога Айца ў гэту краіну сталі
незабыўнымі з-за прыёму, які вернікі аказалі Папе, і з-за супрацоўніцтва, у якое ўключыліся
ўсе ўстановы краіны. Езуіт нагадаў словы Бэнэдыкта ХVI, які адказваючы на пытанне,
чаму за кароткі час адбылося аж тры яго падарожжы ў Іспанію, сказаў, адным з матываў
з’яўляецца моцная і дынамічная вера іспанцаў.
“Ордэн Ізабэлы Каталіцкай” –
узнагарода Каралеўства Іспанія, які ўручаецца за заслугі перад дзяржавай, у тым ліку
замежным грамадзянам.