Бэнэдыкт ХVI прыняў на аўдыенцыі Прэзідэнта Германіі
6 снежня, у першай
палове дня, Бэнэдыкт ХVI прыняў у Ватыкане Прэзідэнта Германіі Ёахіма Гаўка. Пасля
сустрэчы са Святым Айцом прайшлі размовы нямецкага палітыка з кардыналам Дзяржсакратаром
Тарчызіо Бэртонэ, якога суправаджаў кс. прэлат Эторэ Балестрэра, намеснік сакратара
па адносінах з дзяржавамі. У паведамленні Залы Друку Апостальскай Сталіцы адзначаецца,
што сустрэчы прайшлі ў сардэчнай атмасферы, падчас іх падкрэсліваўся добры стан узаемных
адносін. Абодва бакі абмяняліся думкамі па хрысціянскім бачанні чалавека і выкліках,
якія ставіць сёння глабалізаванае і секулярызаванае грамадства. Падчас сустрэчы адбыўся
таксама абмен думкамі па міжнароднай сітуацыі і эканамічным крызісе, перш за ўсё ў
кантэксце Еўропы, і ўкладу Каталіцкага Касцёл ў яго вырашэнні. Гаук з’яўляецца першым
тэолагам на пасадзе Прэзідэнта Германіі. Да пераходу ў палітыку падчас мірнай рэвалюцыі
1989 г. ён быў пратэстанцкім пастарам у ГДР, спачатку ў Мекленбургу, з 1967 г., а
затым у Растоку, з 1971 г.