Koha e Ardhjes në Prishtinë: dëshmitarë të Zotit që është pranë nesh
Një inkurajim për të gjithë besimtarët katolikë të kryeqytetit e të Kosovës për të
kremtuar e jetuar më me pjesëmarrje e me bindje të thellë Krishtlindjen në këtë Vit
të Fesë. Kjo është thirrja që u drejtua besimtarëve në të dielën e parë të Kohës liturgjike
të Ardhjes. E vërtetë fillimi i Kohës së Ardhjes në bashkësinë kishtare të Prishtinës,
u kremtua nga besimtarët me fe dhe shpresë në Hyjin e Mishëruar për ne. Kjo periudhë
shpirtërore e liturgjike që posa kemi filluar na ndihmon në përgatitjen tonë shpirtërore
të pritjes së ardhjes së Birit të Zotit mbi tokë , në kohë e në histori njerëzore,
prandaj është padyshim njëra nga kohërat më të bukura të tërë vitit liturgjiko-kishtar.
Kështu, Kisha na fton të jemi vigjilentë, t’ia përgatisim vendin në zemra tona Hyjit
që vjen për të na takuar e kështu do të jetë Krishtlindje e vërtetë edhe për çdonjërin
prej nesh, e nga ana jonë, , si ithtarë të Emanuelit, duhet të jemi dëshmitarë të
Zotit që është pranë nesh. Po t’i kthehemi kremtimit të dielës së Parë të Ardhjes
në Prishtinë nga ku na njofton Rabie Ibraj.........