У Рыме адзначылі 100-годдзе Ісламскага закону Аўстрыйскай імперыі
3 снежня ў Рыме, у
рамках Аўстрыйскага культурнага форуму, прайшоў сімпозіум, прысвечаны 100-годдзю так
званага Ісламскага закону ў Аўстрыйскай імперыі. На форум сабраліся дыпламаты, рэлігійныя
дзеячы і навукоўцы. Аўстрыя прызнала іслам у якасці рэлігійнай супольнасці ў 1912
г., што стала прэцэдэнтам для іншых краін Еўропы. На сімпозіуме гаворка ішла пра розныя
мадэлі рэлігійнага заканадаўства на Захадзе, якімі рэгулююцца адносіны паміж дзяржавай
і ісламам. Іншымі тэмамі сталі: міжрэлігійны дыялог і інтэграцыя мусульман у Еўропе.
Размова зайшла таксама пра нядаўнаствораны ў Вене Міжнародны цэнтр па міжрэлігійным
дыялогу імя караля Абдалы. Удзельні выказалі надзею на тое, што гэта структура паспрыяе
станоўчаму абмену паміж рэлігіямі і падкрэслілі знакавасць удзелу Святога Пасаду ў
яе працах.
У сімпозіўме між іншымі ўзялі ўдзел сакратар Папскай рады па міжрэлігійным
дыялогу айцец Мігель-Анхель Аюса-Гіхот, кіраўнік дэпартаменту па палітыцы ў галіне
культуры аўстрыйскага Міністэрства замежных спраў Марцін Эйхцінгер, а таксама прадстаўнік
Ісламскай рэлігійнай супольнасці ў Аўстрыі Амані Абу Захра.