Бэнэдыкт XVI: тыя, хто сустрэў Хрыста, не могуць не казаць аб Ім
Дастаткова толькі
моцнай веры нешматлікіх асоб, каб распаўсюдзіць Евангелле з хуткасцю агня. На гэта
звярнуў увагу Бэнэдыкт XVI падчас сустрэчы з семінарыстамі і супрацоўнікамі Англійскага
Калегіўма ў Рыме. 3 снежня Папа прыняў іх на аўдыенцыі ў Клеменційскай Зале Апостальскага
Палаца ў Ватыкане. Папа нагадаў аб вельмі старажытнай, 650-гадовай гісторыі гэтага
калегіўма, якому папярэднічала місіянерскай дзейнасць св. Баніфацыя і ініцыятывы папы
Грыгорыя Вялікага, які адправіў місіянераў на тэрыторыю сучаснай Вялікабрытаніі, “каб
сеяць зерні веры на глебе англасаксаў”. Паводле Пантыфіка доўгае існаванне Англійскага
калегіўма, сведчыць аб тым, “тыя, хто па-сапраўднаму сустрэлі Хрыста ў сваім жыцці,
не могуць не казаць аб Ім” і прыкладам гэтаму з’яўляюцца св. Баніфацый, св. Аўгустын
Кентэрберыйскі і св. Францішка Ксавэрыя, ўспамін якіх адзначаецца сёння, а таксама
многія іншыя місіянеры.
“Як маленькі агеньчык, што можа спаліць увесь лес,
так прыклад веры нешматлікіх можа распаўсюдзіць сілу ачышчэння і параўтварэння Божай
любові ва ўсёй супольнасці ці нацыі”, - адзначыў Папа. Ён заклікаў семінарыстаў, якія
жывуць у Калегіўме паглыбляць сваё знаёмства з Хрыстом, чаму спрыяе час, праведзены
ў семінарыі. “Няхай Езус “захопіць” вас, асабліва праз малітву, калі “ сэрца прамаўляе
да сэрца” - заахвоціў удзельнікаў аудыенцыі Папа.