Бэнэдыкт XVI заклікаў да новай евангелізацыі сацыяльнай сферы
“Хоць у апошні час,
быў дасягнуты вялікі прагрэс у сферы абароны правоў чалавека, сучасная культура, якая,
сярод іншага, характарызуецца утылітарыскім індывідуалізмам і тэхнакратычным эканамізмам,
імкнецца абесцэніць чалавека”, - з такімі словамі звярнуўся 3 снежня Бэнэдыкт XVI
да ўдзельнікаў пленарнага пасяджэння Папскай рады “Iustitia et pax”. Форум пройдзе
ў Ватыкане да 5 снежня будзе прысвечаны, праблеме міжнароднай палітычнай улады. У
сваім звароце да іерархаў, Святы Айцец звярнуў увагу на некаторыя праблемы сучаснага
свету, а таксама падкрэсліў важнасць евангелізацыі сферы сацыяльных адносін. “Нягледзячы
на тое, што сучасны чалавек уключаны ў вялікую сетку адносін і камунікацыі, ён парадаксальна
часта здаецца ізаліраваным, таму што абыякавы да самых галоўных адносін у сваім існаванні,
адносін з Богам – якія з’яўляюцца каранём усіх іншых адносін”, - адзначыў Святы Айцец.
Папа заўважыў, што сёння чалавек часта разглядаецца выключна ў “біялагічным
ключы” ці ў якасці “чалавечага капітала” або “рэсурса”. Ён падкрэсліў, што калі з
аднаго боку, працягваецца абвяшчэнне годнасці чалавека, з іншага, “геданістычныя і
эгаістычныя новыя ідэалогіі”, звязаныя з сексуальнымі правамі, рэпрадукцыяй, нерэгуляваным
фінансавым капіталізмам вядуць да памяньшення значэння чалавека і пагражаюць натуральнаму
фундаменту грамадства, якім з’яўляецца сям’я.
Святы Айцец заклікаў да евангелізацыі
грамадскай сферы.“Ад новай евангелізацыі сацыяльнай сферы можа нарадзіцца новы гуманізм
і абноўленая культурная і праектная дзейнасць. Яна дапаможа скінуць з трона сучасных
ідалаў, замяніць індывідуалізм, матэрыялістычае спажывецтва і тэхнакратыю, культурай
братэрства, бескарыслівасці і салідарнай любові”, - сказаў Папа.
Напрыканцы
Папа адзначыў, што калі сёння гаворка ідзе аб неабходнасці новай міжнароднай палітычнай
улады, то яна не павінна стаць “звышуладай”, якая будзе сканцэнтравана ў руках невялікай
колькасці людзей і дамінаваць над народамі, але павінна быць перш за ўсё маральнай
сілай, здольнай уплываць кіруючыся розума, быць дзейснай, але абмежаванай у кампетэнцыях
і правах.