Սրբազան Քահանայապետը '' Twitter'' Ցանցի Վրայ - Մամլոյ Ասուլիս

Երկուշաբթի 3 դեկտեմբեր 2012-ի առաւօտեան ժամը 11,30, ՅՊԲ -ի անուան սրահին մէջ տեղի կ՛ունենայ մամլոյ ասուլիս, ներկայացնելու համար Սրբազան Քահանայապետի ներկայութիւնը '' Twitter'' ի ցանցի վրայ ու ապա ներկայացնելու Վատիկանի նոր հաղորդամիջոցներու գործունէութիւնը։

Մամլոյ ասուլիսին ելոյթ կ՛ունենան Քահանայապետական Ընկերային հաղորդամիջոցներու Խորհուրդի նախագահ` գերապայածառ Գլաուտիօ Մարիա Զէլլի, նոյն խորհուրդի քարտուղար` գերապայծառ Փոլ Թիկէ, Սուրբ Աթոռի մամլոյ գրասենեակի տնօրէն` Հայր ֆետերիքօ Լոմպարտի, Օսսերվաթորէ Րոմանոյ օրաթերթի տնօրէն` Փրոֆ Ճան Մարիա Վիան եւ Սուրբ Աթոռի հաղորդակցութեան խորհրդատու Տիար Կրէկ Պուրք։

Վատիկանի պաշտօնական պարբերաթերթի ''Չիվիլդա Գաթթոլիքա''-յի տնօրէն Հայր Անթոնիօ Սբատարօ` Ռատիովատիկաի հետ ունեցած հարցազրողցի մը ընթացքին դրական կերպով արտայայտուած է Սրբազան Քահանայապետի այս նոր ձեռնարկին նկատմամբ ընդգծելով թէ յառաջիկայ 3 դետկտեմբեր 2012-ը տեսլականօրէն կապուած է 12 փետրուար 1931-ին, երբ Պիոս ԺԱ քահանայապետը իր առաջին պատգամը կ՛ուղղեր Ռատիովատիկանի միջոցաւ։ Պենետիկտոս ԺԶ Սրբազան Քահանայապետի մուտքը ''Թուիթթէրի'' աշխարհին մէջ ակնյայտ հետեւանքն է այն մօտելակերպին հաղորդակցութեան աշխարհին հանդէպ որ յատկանշած է Եկեղեցին վերջին տասնամեակներու ընթացքին - ըսած է Հայր Անթոնիօ Սբատարոն - ակնարկելով Սրբազան Քահանայապետի ընկերային հաղորդակցութեան միջոցներու 46 օրուայ առթիւ յղած պատգամին որուն մէջ Սրբազան Հայրը բացայայտօրէն կը խօսի ''ընկերային ցանցերու մասին որպէս միջոց ''այժմէական մարդուն օգնելու, լռութեան եւ աղօթքի պահեր գտնելու, ինչպէս նաեւ խորհրդածութեան եւ Աստուծոյ Խօսքին բաժնեկցութեան առիթներ։''
140 կերպարներէ բաղկացած ''twitt'' - Թուիթ - ները կարող են ներփակել հոգեւորականութեան հետ կապուած գաղափարներ ու անոնց միջոցաւ կարելի է բաժնեկցիլ Աւետարանի Պատգամը - հաստատած է Հայր Անթոնիօ Սբատարօ