Պաղեստին Մուտք կը Գործէ Միացեալ Ազգերու Կազմակերպութենէն Ներս Որպէս Ոչ-Անդամ ՝՝Դէտի Կարգավիճակով Պետութիւն՝՝ ։ Սուրբ Աթոռի Յայտարարութիւնը։ Այս Առիթով։

Երէկ ուշ գիշերին(29 Նոյեմբեր) ՄԱԿ-ի Ընդհանուր Ժողովին մէջ կատարուած քուէարկութեան իբրեւ արդիւնք Պաղեստինը դարձաւ ՄԱԿ-ի ՝՝ոչ -անդամ՝՝ դէտի կարգավիճակով պետութիւն: Որոշումին թեր քուէարկեցին 138 երկիրներ, դէմ` 8, իսկ ձեռնպահ` 41: ՝՝Այո՝՝ ներուն մէջ նաեւ Իտալիան։
Պաղեստինեան իշխանութեան նախագահ Մահմուտ Ապպաս ՄԱԿ-ի Ընդհանուր ժողովին առջեւ խօսք արտասանելով ըսաւ ի մէջ այլոց . «Մենք համոզուած ենք, որ միջազգային ընտանիքը երկու պետութեամբ լուծումը փրկելու վերջին առիթին առջեւ կը գտնուի … Պաղեստինցի ժողովուրդը կը շարունակէ խաղաղութեան հաւատալ… Ժամանակը հասած է, որ աշխարհ յարձակումին, բնակեցումին եւ բռնագրաւումին յստակ կերպով բաւ է ըսէ… Մեր նպատակը խաղաղութեան հոլովոյթին ձեռնարկման վերջին առիթ տալն է… Միայն 1967-ի հողամասերուն վրայ եւ Երուսաղէմ մայրաքաղաքով պաղեստինեան պետութիւն մը պիտի ընդունինք… Պաղեստինցիք պիտի շարունակեն ժողովրդային խաղաղ դիմադրութիւնը… Կը պահանջենք, որ ՄԱԿ-ի Ընդհանուր ժողովը պաղեստինեան պետութեան ծննդեան վաւերագիրը հրապարակէ:
Միւս կողմէ Իսրայէլի վարչապետ Պենիամին Նեթանիահու երէկ յայտարարեց, որ «ՄԱԿ-ի մէջ Պաղեստինին ոչ անդամ պետութեան դէտի կարգավիճակի տուչութեան շուրջ քուէարկութիւնը գետնի վրայ ոչինչ պիտի փոխէ»` աւելցնելով, որ «պաղեստինցիները այս ձեւով պետութիւն պիտի չունենան»:
Իսկ այս առթիւ լոյս տեսած Սուրբ Աթոռի 30 Նոյեմբեր թուակիր Յայտարարութիւնը՝ եօթը կէտէրու մէջ կ՝ամփոփէ Պաղեստինի ի նպաստ պատմական քուէարկութեան գործընթացքը,թէ Սուրբ Աթոռը ուղղակի եւ մասնակցութեամբ հետեւած է այն բոլոր քայլերուն որոնց արդիւնքը կը հանդիսանայ երէկուայ կարեւոր որոշումը,ջանալով մնալ միշտ ի վեր՝խնդրոյ առարկայ կողմերէն, գործելով ըստ իր կրօնական բնութեան ու տիեզերական առաքելութեան համաձայն որ զինք կը բնորոշէ, ու նաեւ իր յատուկ ուշադրութիւնը կեդրոնացնելով միջազգային բարդ հարցերու՝ բարոյական տարողութեան վրայ։