Թուրքիա Անհանգիստ Հանրապետական ԷՏ ՌՈՅՍի Ընտրութեամբ։
ԱՄՆ Ներկայացուցիչներու Պալատի Արտաքին յայաբերութիւններու յանձնաժողովի ղեկավար դարձած
է Հայաստանի Աջակցութեան խումբի համանախագահ հանրապետական էտ Ռոյսը: «Իբրեւ արտաքին
գործերու յանձնաժողովի անդամ, քոնկրէսական Ռոյսը հաւատարիմ մնացած է մարդու իրաւունքներու
հիմնական սկզբունքներուն. ատիկա կը վերաբերի նաեւ Հայոց ցեղասպանութեան ճանաչումին: Ան
նաեւ կողմ հանդէս եկած է որպէսզի Թուրքիոյ կողմէ բռնագրաւուած քրիտոնէական եկեղեցիները
եւ ինչքերը վերադարձուին։ Կը յուսանք , որ յաջորդ Քոնկրէսին մէջ եւս Հայոց հարցի վերաբերեալ
համագործակցութիւնը կը շարունակուի»,(ընդգծած է ANCA-ի նախագահ Քէն Խաչիկեան) : ԱՄՆ
Ներկայացուցիչներու Պալատի Արտաքին Յարաբերութիւններու Յանձնաժողովի Նախագահի պաշտօնին
Էտ Ռոյսի ընտրութիւնը անհանգստացուցած է Թուրքիան: Այս մասին իր ընթերցողներուն կը յայտնէ
թրքական Haberler.com-ը: Ռոյսը, որ միաժամանակ կը հանդիսանայ Քոնկրէսի Հայկական հարցերով
Յանձնախումբի համանախագահը, մեծ աւանդ ունի ԱՄՆ Քոնկրէսի մէջ հակաթրքական զեկոյցներու
պատրաստման ու ընդունման գործին մէջ (կը գրէ կայքէջը): «Միւս կոյմէ ան այն Հանրապետականներէն
մէկն է , որ իր ստորագրութիւնը դրած էր Պարաք Օպամային ուղղուած նամակին տակ, ուր կոչ
կը կատարուէր ապրիլքսանչորսեան յայտարարութեան մէջ ճանչնալու Հայոց Ցեղասպանութիւնը»
(կ’եզրափակէ Haberler.com-ը) :