Бэнэдыкт ХVI павіншаваў грамадзян Албаніі з гадавінай незалежнасці
28 лістапада Бэнэдыкт
ХVI скіраваў віншавальную тэлеграму на адрас Прэзідэнта Албаніі Буяра Нішані з нагоды
100-годдзя абвяшчэння незалежнасці краіны. У тэлеграме Святы Айцец запэўніў у сваёй
малітве за грамадзян і кіраўніцтва краіны і пажадаў “умацавання міру, справядлівасці
і росквіту народа” Албаніі. “Спадар Прэзідэнт, я віншую Вас і заклікаю Бога спаслаць
на Вас і ўвесь народ вашай краіны багатае благаслаўленне”, - напісаў Бэнэдыкт ХVI
у сваёй тэлеграме.
Насельніцтва Албаніі складае больш за 3,5 млн. чалавек.
З іх каля 50 % вызнаюць іслам. Католікаў тут каля 15 % .