На працягу цэлага
акадэмічнага года аматары рок-музыкі і тэалогіі будуць мець магчымасць паразважаць
аб біблійных аспектах твораў вядомага амерыканскага музыканта Бруса Спрынгстына. 22
лістапада, у Папскім Грыгарыянскім універсітэце адбылася першая сустрэча прысвечаная
яго творчасці. У ёй прынялі ўдзел шматлікія навукоўцы і музыканты. Акрамя таго, у
будынку езуіцкага універсітэта, пабудаванага ў XVI ст. прагучалі спевы Спрынгстана
ў выкананні некаторых італьянскіх музыкантаў. Падобныя сустрэчы будуць тут праходзіць
кожную сераду.
Паводле аднаго з арганізатараў форума дырэктара часопіса “Civiltà
Cattolica” а. Антоніо Спадара, да пытанняў веры ў сваёй музыцы Спрынгстан стаў звяртацца
пасля драматычных падзей 11 верасня 2001 г. і яны відавочныя ў альбоме “The Rising”.
Айцец Спадара лічыць, што нягледзячы на прысутнасць у творчасці Спрынгстана “некаторых
выразаў, якія несумяшчальныя з хрысціянскай надзеяй”, музыкант чэрпаў натхненне з
біблійных постацяў, тэрмінаў і сімвалаў, каб папрыканцы сварыць зварот да Бога”.