Яслі і ёлка на плошчы св. Пятра – сёлета бясплатна для Ватыкану
Сёлета ўпершыню ўсталяванне
святочнай ёлкі і ясляў на плошчы св. Пятра не будзе каштаваць Святому Пасаду ні цэнта.
Усе выдаткі на сябе ўзяў італьянскі рэгіён Базыліката. З яго і прыбудзе сёлетняя калядная
ёлка. Адміністрацыя рэгіёну ўзяла на сябе таксама выдаткі звязаныя з эксплуатацыяй
святочнай дэкарацыі на ватыканскай плошчы, размова ідзе перш за ўсё пра аплату электрычнасці.
Аб гэтым паведаміў кіраўнік Губернатарата Дзяржавы Ватыкан кардынал Джузэпэ Бэртэла.
Ён прызнаўся, што яслі ў гэтым годзе будуць узбагачаны класічнымі элементамі базыліканскай
іканаграфіі і традыцыйнага адзення гэтага рэгіёну. Самі яслі атрымаюць выгляд аднаго
з “пячорных” касцёлаў горада Матэры, - паведаміу іерарх.
Светлавая інсталяцыя
святочнай кампазіцыі сёлета будзе ўключана не толькі ноччу, але і на працягу дня.
Сцэна Нараджэння плошчай у 225 м. кв. была створана Францчэска Артэзэ. Ён выкарыстаў
у ёй фігуры людзей вышынёй 35-50 см і апрануў іх у сялянскае базыліканскае адзенне.
Напрыклад касцюмы пастухоў былі вышыты ўручную на ўзор тых, якія насілі сяляне гэтага
рэгіёну ў 50-я гады мінулага стагоддзя.
Кардынал Бэртэла паведаміў , што Святы
Пасад вырашыў і ў наступныя гады прапанаваць іншым рэгіёнам не толькі ахвяраванне
святочнай ёлкі, але і пакрыццё ўсіх коштаў, звязаныя з мантажом і ўтрыманнем святочнай
дэкарацыі на ватыканскай плошчы.