Benedikti XVI pret presidentin e Haitit, Michel Joseph Martelly
Benedikti XVI priti sot paradite presidentin e Haitit, Michel Joseph Martelly, i cili
më pas u takua edhe me Sekretarin e Shtetit të Vatikanit, kardinalin Tarçizio Bertone,
i shoqëruar nga Sekretari për Marrëdhëniet me Shtetet, imzot Dominik Mambertì. “Gjatë
bisedimeve – referon Salla e Shtypit e Selisë së Shenjtë – u fol për marrëdhëniet
e mira ndërmjet dy vendeve. U kujtua gjithashtu, kontributi i Kishës, përmes institucioneve
të saj edukative, shoqërore e bamirëse, sidomos gjatë tërmetit, që dëmtoi rëndë popullin
haitian dhe gjatë fazës së rindërtimit të vendit”. Biseda përfundoi me dëshirën e
bashkëpunimit për zhvillimin e harmonishëm të shoqërisë haitiane.