ААН удзячная Святому Пасаду за супрацоўніцтва ў марскім сектары
Праходзячы ў Ватыкане
ХХІІІ Сусветны кангрэс душпастырства працуючых на моры засяродзіўся 21 лістапада на
некалькіх важных для гэтага сектару справах. У прыватнасці, размова ішла пра праблему
марскога пірацтва. Індыйскі святар Энтані Балісвамі выступіў у сувязі з гэтым з некалькімі
канкрэтнымі прапановамі. Ён заклікаў да большага парадку і кантролю ў портах і стварэння
дакладных карт з межамі нацыянальных вод. Душпастыр падкрэсліў, што рэальная перамога
над пірацтвам можа адбыцца праз абуджэнне сумленнасці ўсіх працуючых на моры, для
чаго неабходна актыўная праца капеланаў.
Менавіта сумленнасці ў сектары, дзе
найбольш яскрава праяўляецца эксплуатацыя чалавека, быў прысвечаны даклад прадстаўніка
Міжнароднай арганізацыі працы ААН Брэнда Вагнэра. Ён падзякваў Папскай радзе пастырства
эмігрантаў і падарожнікаў за супрацоўніцтва з 2006 г., якое прыносіць плёны ў выглядзе
паляпшэння ўмоў працы на моры і звароту ўвагі на праблемы працуючых у гэтым сектары.
Капелан
бельгійскіх рыбакоў кс. Дзірк Дэмэгт паінфармаваў, што для душпастырскай і прававой
дапамогі працуючым у гэтай сферы ў Бельгіі актыўна выкарыстоўваецца Інтэрнэт. Ён прызнаўся,
што значнай праблемай сярод маракоў у апошні час пачала быць наркаманія. Менавіта
на гэта звяртаюць увагу асаблівым чынам бельгійскія капеланы.
Канрэс працягнецца
да 23 лістапада. На ім сабралася больш за 400 асоб з 71 краіны свету. У заключны дзень
форуму ўдзельнікаў прыме на аўдыенцыі Бэнэдыкт XVI.