Святы Айцец павіншаваў з інтранізацыяй новага копцкага Патрыярха
18 лістапада Бэнэдыкт
XVI павіншаваў Патрыярха Копцкай Праваслаўнай Царквы Тавардаса ІІ з інтранізацыяй
на гэту пасаду. Іерарх быў абраны “копцкім Папам” 4 лістапада. У пасланні Бэнэдыкт
XVI запэўніў Тавардаса ІІ ў малітве аб багатых духоўных дарах, неабходных каб весці
духавенства і свецкіх па шляху святасці, на карысць дабра народа і ўсяго свету, а
таксама гармоніі грамадства ў цэлым. Святы Айцец узгадаў аб папярэдніку копцкага Патрыярха
Папе Шэнудзе ІІІ і яго ўкладзе ў справу экуменізма. “Яго клопат аб паляпшэнні адносін
паміж хрысціянскімі Цэрквамі ўмацоўвае нашу надзею на тое, што ў адзін цудоўны дзень,
усе паслядоўнікі Хрыста стануць адно ў любові і згодзе, чаго так жадаў наш Пан”, -
напісаў Папа. Бэнэдыкт XVI запэўніў новаабранага копцкага Патрыярха ў малітве, усведамляючы
вялікія цяжкасці, якія яго чакаюць у духоўным і пастырскім служэнні.