Кс. Ламбардзі: пажылыя людзі з’яўляюцца каштоўнасцю для грамадства
Аб візіце Бэнэдыкта
ХVI у доме пажылых асоб, які адбыўся ў мінулы панядзелак, нагадвае кс. Фэдэрыка Ламбардзі,
кіраўнік Залы Друку Апостальскакй Сталіцы ў сваёй штотыднёвай рубрыцы “Octava Dies”,
сказанай на нашым радыё. Ён падкрэсліў, што Святы Айцец праз свае словы і жэсты даў
вялікую падтрымку ўсім старэйшым асобам, а не толькі тым, хто асабіста сустрэўся з
Пантыфікам. “Старык сярод старыкоў. Бэнэдыкт ХVI звярнуўся са спантаннай прамовай
да сваіх аднагодкаў, сказаўшы ім, што добра разумее цяжкасці, праблемы і абмежаванні
людзей ў гэтым возрасце”, - адзначыў італьянскі езуіт. Прадстаўнік Ватыкана падкрэсліў,
што Папа тым самым патлумачыў спецыяфічную каштоўнасць гэтага перыяду жыцця, у якім
трэба спакойна і цярпліва прызнаць фізічныя абмежаванні старасці. Святы Айцец нагадаў
ім, што Бог працягвае любіць старых, якія “мудрасцю свайго жыцця” павінны дзяліцца
з іншымі. “Пажылыя асобы з’яўляюцца адкрытай кнігай, у якой маладыя пакаленні могуць
знайсці каштоўныя ўказанні для жыццёвага шляху. Тут справа не ў штучным шуканні занятку,
каб запоўніць час старасці, але ў перадаванні іншым мудрасці сэрца, якое ўмее адрозніваць
істотнае ад мітуслівага, значыць таго, што доўжыцца зараз ад таго, што прамінае”,
- адзначыў італьянскі езуіт.
Паводле яго гэта не магчыма імправізаваць, бо,
ў пэўным сэнсе, калі чалавек сапраўды пакутуе, старасць з’яўляецца момантам праўды,
тым перыядам, калі як адзначае Рамана Гуардзіні, “абставіны ўказваюць на Абсалют”.
“Чаканне Бога можа быць запоўнена малітвай, у яе розных формах. Папа заклікаў пажылых
асоб маліцца за бедных; за мір, каб пакласці канец насіллю; за Касцёл; за яго... іх
малітвы з’яўляюцца магутнымі, бо пажылы чалавек, які верыць і мае надзею, ведае, што
знаходзіцца ўжо блізка да Бога і святых і імкнецца лепш пазнаёміцца з імі”, - адзначыў
езуіт. Кс. Ламбардзі падкрэсліў, што сённяшняе грамадства мае вялікую патрэбу ў пажылых
асобах, якія з’яўляюцца вялікім багаццем. “З-за гэтага неабходна апекавацца аб іх
з любоў’ю, каб магчы затым сказаць разам з Папам: “Як цудоўна быць пажылым”, - закончыў
кіраўнік Залы Друку.