Бэнэдыкт ХVI заклікаў няверуючых жыць так, быццам Бог існуе
Бэнэдыкт ХVI скіраваў
спецыяльнае пасланне да ўдзельнікаў ініцятывы Папскай рады па культуры “Падворак язычнікаў”,
якая 16-17 лістапада прайшла ў партугальскіх гарадах Гімарыйншы і Бразе на тэму “Каштоўнасць
чалавечага жыцця”. У сваімпасланні Папа адзначыў, што святасць жыцця належыць да
маральнай спадчыны чалавецтва. “Жыццё гэта не штосці,чым я магу свабодна распараджацца,
але дар, які трэба верна ахоўваць”, - напісаў Папа да ўдзельнікаў сустрэчы веруючых
і няверуючых, якія сабраліся ў Партугаліі. Святы Айцец адзначыў, што розум можа цаніць
каштоўнасць жыцця, але толькі бясконцая і ўсемагутная любоў Бога дае жыццё вечнае.
“Гэта ўпэўненасць абвяшчаецца Касцёлам”, напісаў Святы Айцец.
Пантыфік падкрэсліў,
што Бог любіць кожнага чалавека, і кожны заслугоўвае на годнае жыццё. “У наш час
чалавек часта адштурхоўваецца ад Стварыцеля і Збаўцы. Ён давярае больш самому сабе,
чым Богу, замкнуўшыся ў будынку без вокна,ў і як бы хоча забяспечыць сам сабе святло
і цяпло”, - адзначыў Папа. Па словах Пантыфіка, мы павінны адкрыць нанава гэтыя вокны,
паглядзець на прастору неба і зямлю з мэтай правільна карыстацца імі. “Каштоўнасць
жыцця праяўляецца толькі тады, калі Бог існуе”, - патлумачыў Святы Айцец. Папа заклікаў
таксама і няверуючых жыць так, як “быццам і для іх Бог існуе”, нават і тады, калі
яны не маюць сілы верыць. “Ніякая праблема не можа быць поўнасцю вырашана, калі Бог
не стаіць у цэнтры жыцця, калі Яму не вернецца бачнасць і не надасца вырашальная роля
ў нашым жыцці”, - напісаў Папа. “Той, хто адкрываецца на Бога, не стаецца чужым для
свету і людзей, але сустракае братоў”, - напісаў Бэнэдыкт ХVI.