Дырэктар “Папскай кансерваторыі”: захаваць сакральнасць у літургічнай музыцы
Сённяшняя “L’Osservatore
Romano” надрукавала інтэрв’ю з прызначаным у верасні 2012 г. новым дырэктарам Папскага
інстытута сакральнай музыкі Вінчэнца Дэ Грыгорыё. Паводле музыканта і дырыжора, мэта
гэтай навучальнай установы заключаецца не ў тым, каб навязаць пэўную канкрэтную мадэль,
але навучыць тэхнікам і даць веды, якія будуць служыць як натхненне і навуковая падтрымка,
для тых, хто клапоціцца аб сакральнасці ў музыцы. “Было б смешна сёння, любым коштам,
імкнуцца вучыць толькі стылям, якія былі вызначаны ў XVI cт. ці яшчэ раней”, - адзначыў
Дэ Грыгорыё. Ён расказаў, што ў Касцёле на працягу гісторыі заўсёды развіваліся розныя
музычныя стылі – ад аднагалосся да паліфоніі, затым паступова уводзіліся новыя музычныя
інструменты. Дырэктар інстытута падкрэсліў, што самыя вялікія музычныя дасягненні
XVI - XVIII cт., былі па сваёй прыродзе іннаватыўнымі і не паўтаралі мінулае.
Дэ
Грыгорыё расказаў, што працэс запаволіўся пасля Францускай рэвалюцыі, калі напісанне
літургічных музычных твораў ўжо не так фінансавалася, як раней. Яшчэ ў 1749 г. папа
Бэнэдыкт XIV звяртаў увагу на неабходнасць патрымання высокай якасці літургічнай музыкі.
Таксама і Пій Х падкрэсліваў, што “свецкі густ меладрамы” пранік таксама і ў сакральную
музыку. Каб захаваць сакральнасць, але ў той жа час не закрывацца на сучаснасць, гэты
Пантыфік заснаваў у 1911 г. адпаведны Папскі інстытут.
Дэ Грыгорыё выказаў
меркаванне, што электроніка можа стаць на службу літургіі і сакральнай музыкі, калі
тыя, хто яе выконваюць будуць мець за плячыма глыбокія веды музычнай “граматыкі, сінтаксіса
і традыцыйных форм”.