Копцкі Патрыярх заклапочаны зместам новай Канстытуцыі Егіпта
Новы копцкі Патрыярх
Тавардас ІІ выказаў пажаденне, каб новая Канстытуцыя Егіпта гарантавала раўныя правы
вызнаўцам усіх рэлігій прысутным у краіне. Іерарх падкрэсліў, што “у адметнасцях сіла”.
Паводле яго, “калі кожны грамадзянін будзе ўлічвацца ў новай Канстытуцыі, тады ў Егіпце
пачнецца развіццё. У адваротным выпадку краіну чакае рэгрэс, лічыць Патрыярх. Тавардас
ІІ звярнуў увагу на тое, што парламент, а таксама камісія па падрыхтоўцы Канстытуцыі,
складаюцца пераважна з вызнаўцаў іслама. З 100 членаў камісіі, хрысціян толькі каля
15 чалавек. Таму у краіне існуе страх перад тым, што законы шарыята набудуць у Канстытуцыі
галоўнае значэнне. У такім выпадку гэта паспрыяе дыскрымінацыі рэлігійных меншасцяў,
вялікую частку з якіх скаладаюць хрысціяне-копты. Партрыярх падкрэсліў, што Копцкая
Царква не ўмешваецца ў палітыку, але адначасова заклікаў вернікаў прымаць больш актыўны
удзел у грамадскім і палітычным жыцці.