Арцыбіскуп Мюлер: кароткі шлях ад атэізму да дыктатуры

На думку Арцыбіскупа Мюлера, трэба карыстацца часам як рэсурсам, каб абудзіцца са сну ідэалогіі самарэалізацыі і самастварэння. “Жыццё занадта кароткае, каб яго псаваць дрэннай філасофіяй”, - напісаў прэфект Кангрэгацыі Веравучэння ў сваім артыкуле на старонках сённяшняга “L’Osservatore Romano”. На думку арцыбіскупа, палітычны атэізм, які культываваў нацыянал-сацыялізм у Германіі і сталінская праграма знішчэння Касцёла ў былым Савецкім Саюзе, мае бесчалавечны і неталерантны характар, і таму можа перарадзіцца “у абсалютна бесчалавечную палітычна-таталітарную праграму”.