Կարդինալ Սարա Աւարտեց Յանուն Սրբազան Քահանայապետի Լիբանան Կատարած Առաքելութիւնը։

Պենետիկտոս ԺԶ Սրբազան Քահանայապետի անունով, 7 - 10 նոյեմբեր, Լիբանան կատարած առաքելութեան աւարտին, Գոր Ունում - Մէկ Սիրտ- Քահանայապետական Բարեսիրական Մարմնի Նախագահ` Կարդինալ Րոպէրդ Սարա\ յայտնած է իր <<յուզմունքն ու խոր ցաւը>> ի տես սուրիացի փախստականներու ապրած <<անասելի տարապանքներուն>>։
Չորս օրուայ առաքելութեան ընթացքին Սրբազան Քահանայապետի յատուկ պատուիրակը հանդիպումներ ունեցաւ քաղաքական եւ եկեղեցական իշխանութիւններու հետ ինչպէս նաեւ կաթողիկէ բարեգործական հաստատութիւններուն հետ համադրեց սուրիոյ բնակչութեան ի սպաս օժանդակութիւնները։
Ըստ Մակի փախստականներու գրասենեակին մինչեւ օրս աւելի քան 408 հազար սուրիացիներ ապաստան գտած են Թուրքիայ, Լիբանան եւ Յորդանան։
Ռատիովատիկանի հետ ունեցած հարացազրոյցի ընթացքին Կարդինալ Սարան ընդգծած է քրիստոնեաներու մտավախութիւնը մահմետական ծայրայեղութեան յառաջացումէն։ Խօսելով ապա Սրբազան Քահանայապետի ուղարկած նիւթական օժանդակութեան Կարդինալ Սարա հաստատած է թէ 1 միլիոն տոլարը <<կաթիլ մըն է>> ի տես իսկական պահանջներուն։ Այդ գումարէն (1 միլոն) 700 հազարը յատկացուեացաւ Սուրիոյ մէջ ապրող բնակչութեան իսկ մնացած 300 հազարը բաժնուեցաւ, Լբանան, Յորդանան եւ Թուրքիայ ապաստանած սուրիացիներուն - յայտնեց Կարդինալ Սարան - մաղթանք յայտնելով որ օժանդակութիւնները շարունակուին որովհետեւ գաղթականներու թիւը օրէ օր աճում կ՛արձանագրէ։
Քահանայապետի յատուկ Պատուիրակը ապա յոյս յայտնեց որ միջզգային հասարակութիւնը ունկնդրէ Սրբազան Քահանայապետի համերաշխութեան եւ խաղաղութեան ի սպաս ուղղած կոչը, աւելցնելով որ Միջին Արեւեքլի մէջ Եկեղեցին զօրակից է ամէնուն հետ, նոյնիսկ այլ կրօնի պատկանող հաւատացեալներուն նկատմամբ։ Կարդինալ Սարա հուսկ հրաւիրեց Քրիստոնեաները Տիրոջ աղօթելու որ առաջնորդէ պատասխանատուներուն քայլերը որպէսզի յանգին արդար եւ խաղաղ լուծումներու։