Kardinali Xhanfranko Ravazi flet për fenë e komunikimin, në Universitetin Lateranens
Kardinali Xhanfranko Ravazi, kryetar i Këshillit Papnor të Kulturës, mbajti sot, në
Universitetin Lateranens, një ‘lectio magistralis’ me titull: “Edukim e komunikim:
rritja në fe në Universitete”. Leksioni ishte një nga çastet e “Dies Academicus”,
ditë tradicionale e hapjes solemne të vitit akademik të 240-të që nga themelimi i
universitetit, me titullin e veçantë “Universiteti i Papës”. Hirësisë së Tij iu
dorëzua, me këtë rast, titulli ‘doktor honoris causa’ për impenjimin e tij baritor,
kryesisht në drejtim të komunikimit e të fesë. Ceremoninë e hapi kardinali-vikar
i Romës, Agostino Valini, Kancelar i madh i Universitetit Lateranens, pas të cilit
foli rektori i shkollës së lartë, ipeshkvi Enriko dal Kovolo. Ndërsa ishte dekani
i fakultetit të teologjisë së Lateraneses Nikola Çiola ai, që i dorëzoi kardinalit
Ravazi titullin e lartë. Dhënia e doktoratit në Teologji, lidhur ngushtë me kumunikimin
e fesë, shpjegoi imzot dal Kovolo, është objektivi kryesor i Universitetit Lateranes
për këtë vit akademik. Do të reflektohet, prandaj, për lidhjen e ngushtë ndërmjet
edukimit e komunikimit. Siç pohon Papa Benedikti XVI në mesazhin për “Ditën Botërore
të Paqes” , mjetet e komunikimit kanë një rol të posaçëm: jo vetëm informojnë, por
edhe formojnë shpirtin e atyre, që u drejtohen. Prej këndej, mund të japin një ndihmesë
të ndjeshme në edukimine të rinjve.