Molize do t’i dhurojë sivjet Papës, Bredhin e Krishtlindjes
Këtë vit, Bredhi i Krishtlindjes, që vendoset në sheshin e Shën Pjetrit në Vatikan,
do të vijë nga krahina italiane e Molizes. Do të jetë bashkësia e Peskopenataros në
provincën e Izernias, ajo që do t’i dhurojë Papës bredhin prej 24 metrash, i cili
do të shkulet me gjithë rrënjë më 5 dhjetor. Ai bën pjesë ndër ata bredha, që gjithsesi,
do të priteshin për mirëmbajtjen e pyllit. Druri i tij, si çdo vit, do t’u dhurohet
shoqatave, që bëjnë me të punime për qëllime bamirësie. Ndezja e dritave të Bredhit
të Krishtlindjes është programuar për pasditen e 14 dhjetorit.