Кітай: Год веры адзначаецца ў святле навучання Бэнэдыкта ХVI
Навучанне Бэнэдыкта
ХVI стаіць у цэнтры ўвагі каталіцкіх біскупаў Кітая, якія ў сваіх гаміліях і пастырскіх
лістах заклікаюць католікаў перажываць Год веры ў лучнасці з усім Касцёлам. Дапаможны
біскуп Шанхайскай архідыяцэзіі Аліас Джын Лу Ксьян у сваім спецыяльным звароце рэкамендуе
вернікам звяртаць большую ўвагу на перажыванне Эўхарыстыі, якая з’яўляецца крыніцай
і кульмінацыяй хрысціянскай веры. Біскуп Пэтэр Фэнг Ксінь Мао, ардынарый дыяцэзіі
Джынг Ксьян, заклікае перажываць гэты адмысловы Год з акцэнтам на евангелізацыю. Апроч
таго, у шматлікіх дыяцэзіях з нагоды 20-годдзя выдання Катэхізіса Каталіцкага Касцёла,
пасля нядзельнай св. Імшы, сумесна чытаюцца яго фрагменты.