Кардынал Фернанда
Філоні, прэфект Кангрэгацыі Евангелізацыі Народаў, наведае з пастырскім візітам Нігерыю
з нагоды 100-годдзя евангелізацыі правінцыі Аверы, у паўднёва-усходняй частцы гэтай
афрыканскай краіны. Аверы з’яўляецца сталіцай штату Імо, адкуль у 1912 г. партугальскія
місіянеры пачалі распаўсюджваць каталіцкую веру. Кардынал прыбудзе 6 лістапада і яго
візіт распачнецца са спаткання з губернатарам штату Імо. На наступныя дні запланавана
сустрэча з мясцовымі біскупамі, св. Імша для дзяцей і моладзі, абмен вопытам місіянерскай
і душпастырскай працы. 8 лістапада, у рамках праграмы Сімпозіума па евангелізацыі,
іерарх выступіць з дакладам на тэму “Місія да народаў і новая евангелізацыя”.
Таксама
падчас свайго візіту кардынал Філоні наведае мясцовую семінарыю, дзе ўзначаліць св.
Імшу, і возьме удзел у культурным мерапрыемстве, на якім выступіць з дакладам аб пачатках
хрысціянства ў Нігерыі. Заключным момантам візіту стане ўрачыстая св. Імша ў суботу
10 лістапада, дзе кардынал прачытае спецыяльнае пасланне Святога Айца.