Копцкія хрысціяне
Егіпта маюць новага рэлігійнага лідэра. 4 лістапада Патрыярхам Копцкай праваслаўнай
Царквы быў абраны 60-летній епіскап Тавардос. Урачыстая цырымоніі выбараў прайшлі
ў катэдральным саборы Каіра. Па традыцыі, запіску з іменем будучага Патрыярха, выцягнуў
з вазы хлопчык з завязанымі вачыма. Такім чынам епіскап Тавардас стаў 118-м копцкім
праваслаўным Патрыярхам, якога, як і кіраўніка Каталіцкага Касцёла называюць Папам.
Ён змяніў на гэтай пасадзе Шэнуду ІІІ, які памёр 17 сакавіка 2012 г. у 88-гадовым
ўзросце. Сваёй радасцю ў сувязі з абраннем новага рэлігійнага лідэра падзяліўся епіскап
копцкай епархіі св. Геогрія ў Рыме Барнаба Эль Сар’яны. “Папа Тавардас ІІ з’яўляецца
вельмі актыўным, асабліва ў адносінаў да коптаў у Егіпце. Яго абранне – сапраўдны
падарунак для ўсіх! Мы па-сапраўднаму чакаем, што ён працягне шлях папы Шэнуды ІІІ,
школу якога прайшоў і духоўным сынам якога быў. Таму ён будзе яго наследаваць. Мы
ўсе вельмі усхваляваны гэтым выбарам Бога”, - сказаў іерарх.
Паводле біскупа
Эль Сар’яны, новы копцкі Патрыярх вельмі любімы ў Егіпце. Ён выказаў упэўненасць,
што ў складанай палітычнай сітуацыі, кіраўнік коптскіх хрысціян працягне шлях дыялога.
На сённяшні дзень копты складаюць ад 6 да 10% насельніцтва Егіпта.