Кардынал Кох: патрэбны экуменічны дыялог аб прыродзе Касцёла
У цэнтры будучага
экуменічнага дыялогу, на думку кардынала Курта Коха, устане пытанне аб прыродзе Касцёла.
Старшыня Папскай рады спрыяння хрысціянскаму адзінству 2 лістапада выступіў з прамовай
на Генеральным сінодзе Аб’яднанай Лютэранскай Царквы Германіі ў Тімендорфер Штранд.
Ён заявіў, што “лютэране інакш чым католікі разумеюць аснову сваёй веры і свайго быцця
Касцёлам, і, такім чынам, у іх традыцыі з’явіўся зусім іншы тып Касцёла”.
Па
сутнасці, у канчатковым выніку размова ідзе пра адносіны паміж Рэфармацыяй і традыцыяй
і пытанне аб тым, як разумець Рэфармацыю – як рэформу ці як разрыў з традыцыяй, звярнуў
увагу кардынал Кох. Ён лічыць, што для пошуку супольнага паміж пратэстантамі і католікамі,
было б карысным не заставацца на ўзроўні спрэчак XVI ст., а сканцэнтравацца на адзінай
апостальскай Традыцыі. Рэфарматары, такія як Марцін Лютар, мелі намер абнаўлення ўсяго
Касцёла, а не стварэння новага. “У экуменічным руху размова ідзе не менш, чым аб поспеху
Рэфармацыі ў сэнсе евангельскага абнаўлення Сусветнага Касцёла”, - перакананы ватыканскі
іерарх.