Бэнэдыкт ХVI узначаліць Нешпары у Сіксцінскай капэле
31 кастрычніка Бэнэдыкт
ХVI узначаліць малітву Нешпараў у Сіксцінскай капэле з нагоды 500-годдзя адкрыцця
яе фрэсак. Іх стварыў у 1508-1512 гг., па загадзе папы Юлія ІІ, Мікеланджэла Буанароці.
На столі Капэлы, якая носіць тытул Унебаўзяцця Найсвяцейшай Марыі Панны, 33-гадовы
Мікеланджэла прадставіў вялікія і невыказныя цярпенні чалавецтва. Арцыбіскуп Пьера
Марыні, былы кіраўнік Службы папскіх літургічных цэлебрацый, адзначыў, што Сіксцінская
капэла з’яўляецца “адным з месцаў, якое нагадвае аб вялікай душы эпохі Гуманізму і
Адраджэння”. “Мікеланджэла сваімі энергічнымі фігурамі падкрэслівае ўзвышэнне чалавецтва
і яго патэнцыял, што Гуманізм і Адраджэнне паставілі ў цэнтры сваіх зацікаўленняў”,
- адзначыў іерарх. Паводле арцыбіскупа, іканаграфія Капэлы прадстаўляе веліч чалавека,
створанага Богам на Яго вобраз і падабенства.
Менавіта ў Сіксцінскай капэле
ўжо на працягу апошніх пяці стагоддзяў адбываюцца выбары Пантыфікаў.