Былы камердынер будзе адбываць пакаранне ў Ватыкане
Kс. Фэдэрыка Ламбардзі,
паведаміў, што Паўла Габрыэле, асуджаны Ватыканскім трыбуналам за крадзеж дакументаў,
будзе адбываць пакаранне ў Ватыкане. Ён дадаў, што ўжо падрыхтавана камера, дзе Габрыэле
мог бы правесці 18 месяцаў зняволення. У цяперашні час былы камердынер знаходзіцца
пад хатнім арыштам. Прадстаўнік Святога Пасаду заявіў таксама, што акт памілавання
з боку Папы ўсё яшчэ магчымы. “Калі рашэнне набярэ сілу, падсудны будзе адбываць пакаранне
ў Ватыкане, - заявіў кс. Ламбардзі - Да цяперашняга часу не было ініцыятывы з боку
Ватыкана, каб ён адбываў пакаранне ў Італіі. Хоць Латэранскія пагадненні прадугледжваюць
такую магчымасць, не было перамоў па гэтым пытанні. Камеры былі падрыхтаваны ў казармах
Ватыканскай жандармерыі, за офісам рэдакцыі “L’Osservatore Romano”, - дадаў італьянскі
езуіт.
Кс. Ламбардзі таксама паведаміў, што 5 лістапада пачнецца другі судовы
працэс па ўцечцы асабістых дакументаў. На гэты раз абвінавачаны – ватыканскі праграміст
Клаўдыё Шарпелецці.