Imzot Massafra hap Vitin e Fesë në Shkodër. Feja na çliron prej pesimizmit
Në ditën e festës së Zojës së Shkodrës, gjatë Meshës së festës kremtuar të hënën e
kaluar më 22 tetor në Katedralen e qytetit verior të Shqipërisë, kryeipeshkvi metropolit
i kryedioqezës së Shkodër-Pultit, imzot Angelo Masafra hapi solemnisht Vitin e Fesë
për kryedioqezën metropolite të Shkodër-Pultit. Edhe pse e hëna ishte ditë punë,
besimtarët katolikë shkodranë e mbushën përplot Kishën Katedrale duke u mbledhur rreth
Elterit të Zotit e kryebariut shpirtëror për të nderuar e lutur Pajtoren Qiellore,
Zojën e Shkodrës, dhee për të pranuar ftesën e Papës për thellimin e përmbatjes së
Fesë në Jezu Krishtin, të ndërgjegjshëm edhe për rëndësinë e rizbulimit të misionit
të krishterë në shoqërinë e sotme bashkëkohore. Më poshtë propozojmë homelinë e kryeipeshkvit
imzot Angelo Massafra mbajtur gjatë Meshës në Katedralen e Shkodrës, të hënën më 22
tetor.
Qoftë levduar Jezu Krishti!
Përshëndes
Imzot Nunci Apostolik dhe e falenderoj per praninë, Pershendes Meshtarë, Rregulltarë,
Rregulltare, Juve besimtarë që keni ardhur nga shumë famulli per festen e Zojes se
shkodres dhe per fillimin e Vitit të Fesë.
Të dashur, Sot, ne
festen tradicionale e Zojes se Shkodres, me gëzim të madh po hapim Vitin e fesë.
Viti
i Fesë i shpallur nga Papa Benedikti XVI, ka filluar më 11 tetori 2012, në përkujtim
të 50° vjetorit të hapjes së Koncilit të II Ekumenik të Vatikanit dhe të 20° vjetorit
të publikimit të Katekizmit të ri të Kishës Katolike, si dhe në përkim me Asamblesë
XIII të Përgjithshme të Zakonshme të Sinodit të Ipeshkvijve, që filloi më 7 tetor,
mbi temën “ungjillizimin e ri për transmetimin e fesë së krishterë”.E kujtoi se
në këtë Sinod në emër të Konferencës Ipeshkvnore Katolike të Shqipërisë merr pjesë
ipeshkvi i Rrëshenit, imzot Cristoforo Palmieri.
Këtë festë sivjet
e kremtojmë në 100 Vjetorin e Pavarsisë: e sot falënderojmë Hijin e hishtorisë, ata
që u angazhuan për këtë dhe dhanë jetën...dhe në të çdonjëri është një gur i gjallë
dhe i forët në ndërtimin e shoqërisë sonë dhe të Kishës.
E Viti i Fesë,
përkon edhe me Vitin Konstatinian, në vitin 313 bie 1700 vjetori i Ediktit të Milanos,
që i dha lirinë fetare krishtënimit.
Më 11 tetor në Romë isha i pranishëm
edhe unë, ku mora pjesë në Meshën solemne të Papës, me proçesionin fillestar, Vendosja
solemne të Ungjillit mbi Fronin, dorëzimin e 7 mesazheve..E qe shumë domedthënëse
edhe Prania i Patrikut Ortodoks të Kostantinopijes Shenjtëria e tij Bartolomeu I dhe
prania e Arqipeshkvit të Kishës Anglikane të Kanterburit Williams.
JU PERCJALL
BEKIMIN E PAPES.
Koncili II i Vatikanit, Katekizmi i ri i Kishës Katolike
dhe Sinodi mbi Ungjillzimin e Ri: janë tri ngjarje që na ndihmojnë për të kuptuar
më mirë misionin e Kishës: do të thotë misionin e ungjillëzimit
Të dielën më
21 tetor kemi kremtuar ditën Botërore e Missionit. «Siç më dërgoi mua Ati, ashtu unë
po ju dërgoj ju» (Gjn 20,21). Kështu u tha Jezusi i Ngjallur nxënësve, e duke hukatur
mbi ta shtoi: «Merreni Shpirtin Shenjt» (rr. 22). Hyji pra është subjekti kryesor
i ungjillëzimit të botës, nëpërmjet Jezu Krishtit; por vetë Krishti ka dashur t’ia
përçojë Kishës misionin e vet, dhe e ka bërë këtë e vazhdon ta bëjë deri në fund të
kohërave duke përçuar Shpirtin Shenjt mbi nxënës.
Në Ungjill dëgjuam atë që
Zoja Mari u tha shërbëtorëve: “bëni atë ju thothë...” Edhe neve sot Zoja Bekuar na
thothë që të zbatojmë atë që na thotë Jezusi...nëpërmjet Papës dhe Ipeshkvinjve. Jezusi
tha “ nëse u pranojnë ju dhe u dëgjojnë ju, do të më pranojnë dhe do të më degjojnë
mua...” si dhe Papën Benediktin dhe ipeshkvinj që sot na flasin në emër të Zotit.
Gjatë
homelisë, mes tjerash Papa tha: “E tani duhet të kujtojmë atë që e thirri Koncilin
II të Vatikanit dhe e përuroi atë: të Lumin Gjonin XXIII. Në Fjalimin e hapjes, ai
e paraqiti qëllimin kryesor të Koncilit me këto fjalëa: «Kjo ka më së shumti rëndësi
për Koncilin Ekumenik: që visari i shenjtë i doktrinës së krishterë të ruhet dhe
të mësohet në formë më efikase. (…) Qëllimi kryesor i këtij Koncili, pra, nuk
është diskutimi i kësaj apo asaj teme të doktrinës... Për këtë nuk nevojitej një Koncil...
Është e nevojshme që kjo doktrinë e sigurt dhe e pandryshueshme, që të respektohet
besnikërisht, të thellohet dhe të paraqitet në mënyrë të tillë që t’u përgjigjet kërkesave
të kohës sonë» (AAS 54 [1962], 790.791-792). Kështu u shpreh Papa Gjoni XXIII në
përurimin e punimeve të Koncilit”. “Në dritën e këtyre fjalëve, kuptohet ajo që
unë vetë në atë kohë kam pasur mundësinë ta përjetoj: gjatë Koncilit kishte një tërheqje
prekëse në lidhje me detyrën e përbashkët për të bërë të vërtetën dhe bukurinë e fesë
të shkëlqejnë në të sotmen e kohës sonë… Prandaj mendoj se gjëja më e rëndësishme,
posaçërisht në një përvjetor domethënës si ky aktual, është që në të gjithë Kishën
të gjallërohet ajo tërheqje pozitive, ajo dëshirë për t’ia kumtuar përsëri Krishtin
njeriut bashkëkohor. Por, që kjo shtytje e brendshme nga ungjillëzimi i ri të mos
mbetet vetëm diçka ideale dhe të mos pështjellohet, lypet që ajo të mbështetet mbi
një bazë konkrete e të saktë, dhe ajo bazë janë dokumentet e Koncilit II të Vatikanit,
në të cilat ajo ka gjetur shprehjen. Prandaj kam këmbëngulur disa herë mbi nevojën
për t’iu rikthyer, le të themi kështu, «letrës» së Koncilit – pra teksteve të tij
– për të gjetur aty shpirtin e tij të njëmendtë, dhe kam përsëritur se trashëgimia
e vërtetë e Vatikanit II gjendet në to. Referimi ndaj dokumenteve na mbron prej skajeve
të nostalgjive anakronistike e të vrapimeve përpara, dhe na lejon ta pranojmë risinë
në vazhdimësi. Koncili nuk ka shpikur asgjë të re se si lëndë feje, as nuk ka dashur
ta zëvendësojë atë që është e hershme. Ai është kujdesur që e njëjta fe të vazhdojë
të jetohet në të sotmen, të vazhdojë të jetë një fe e gjallë në një botë në ndryshim”. “Nëse
sot Kisha propozon një Vit feje të ri dhe ungjillëzimin e ri, këtë nuk e bën për të
nderuar një përvjetor, por sepse ka nevojë për të, edhe më shumë se 50 vjet më parë!” Në
këta dhjetëvjeçarë ka bërë udhë një «shkretizim» shpirtëror. Se çfarë donte
të thoshte një jetë, një botë pa Hyjin, në kohën e Koncilit kjo mund të dihej tashmë
prej disa faqeve tragjike të historisë, (cfr: Shqipëria në kohën e diktaturës komuniste,
që kishte dekretuar vdekjen e Hyjit!!!) por tani këtë mjerisht e shohim çdo ditë
përreth nesh. Është zbrazëtira që është përhapur. Por pikërisht duke nisur prej përvojës
së kësaj shkretëtire, prej kësaj zbrazëtie, mund ta zbulojmë përsëri gëzimin e
të besuarit në Zotin, rëndësinë e tij jetësore për ne burrat e gratë”… Dhe
në shkretëtirë nevojiten sidomos personat e fesë që, me vetë jetën e tyre, tregojnë
rrugën drejt Tokës së premtuar dhe kështu e mbajnë të zgjuar shpresën. Feja e jetuar
ia hap zemrën Hirit të Hyjit që çliron prej pesimizmit. Sot më shumë se kurrë të ungjillëzosh
do të thotë të dëshmosh një jetë të re, të shndërruar prej Hyjit, dhe kështu të tregosh
rrugën”. Ja disa udhëzime konkrete:
“Viti i fesë ne duhet të na
shërbejë që të forcohemi në fe... dhe të vazhdojmë të ungjillizojmë, duke transmetuar
fenë e krishterë.” Bëhet fjalë për ungjillizim në kuptimin e përgjithshëm si aktiviteti
i vazhdushëm i kishës. Me ndihmën e Shpirtit të Shenjtë, ky ungjillizim, që mund të
thuhet se është i vazhdushëm, duhet të gjallërohet nga një zell i ri. Duhet të
kërkojmë metoda të reja dhe forma të reja të shprehjes për t’i transmetuar njeriut
bashkëkohor të vërtetën e përjetshme të Jezu Krishtit, që është gjithmonë i ri, burim
i çdo risije. Vetëm një fe e qëndrueshme dhe e shëndoshë, pikërisht si ajo e martirëve,
mund t’u japë jetë shumë projekteve baritore, duke e parë atë si një rrezatim
të afërt dhe të largët, të fusë gjallëri jete në strukturat që tashmë janë, të ngjallë
krijimtarinë baritore në lartësinë e njeriut bashkëkohor dhe t’u përgjigjet pritjeve
të shoqërive të kohës” (Mons. Nikola Eterovic). “Dy gjëra janë të rëndësishme
për ne dhe për popullin e Hyjit: e para është përvetësimi edhe një herë i fesë sonë
për një thellim përherë më të madh të misterit të fesë së krishterë, e dyta është
vetë dëshmia e jetës që jemi të thirrur të japim...pra “një kthim të vërtetë dhe të
ri tek Zoti, i vetmi Shpëtimtarë i botës” (PF,6). Ky Viti i Fesë qoftë edhe
njëvit për ndërgjegjësimin e detyrës misionare të çdo të krishteri dhe
të çdo Kishe lokale. Gjallëria e re e bashkësive të krishtera do t’i japë një shtysë
të re edhe aktivitetit misionar të brenshëm e të jashtëm. Duke u gjallëruar
nga Shpirti i Shenjtë, laikët e krishterë duhet të jenë më të
ndjeshëm ndaj shumë vëllezërve e motrave që, edhe pse janë pagëzuar, po largohen nga
Kisha dhe nga praktikimi i krishterë. Ne meshtarët, rregulltarë dhe rregulltare
duhet të jemi dëshmitarë të “vërtetë” të Krishtit, pra më të besueshëm për të gjithë
besimtarët, dhe më domethënës për të rinjtë, të cilët, të thirrur nga Hyji për jetën
meshtarake dhe rregulltare, të ndjehen të këshilluar edhe nga jeta dhe shembulli ynë.
E këtu do të shtoja shtytjen për një angazhim më të madh për thirrjet e djemve dhe
të vajzave. Të gjithë, meshtarë, rregulltarë e rregulltare dhe laikë të angazhohemi
në kultivimin e kulturës së jetës, kundër vrasjeve dhe gjakmarrjeve... duke shtuar
angazhimin për pajtimin e shpirtrave dhe për t’i bindur njerëzit që problemet nuk
zgjidhen me dhunë dhe me armë, po me dialog, mirëkuptim, dashuri vëllazërore e pajtim.
Të
dashur, Zoja e Shkodrës, “Martiret” tanë na ndihmofshin që ta jetojmë këtë Vit të
Fesë me një angazhim më të madh për të thelluar përmbajtjen e fesë, për ta dëshmuar
me gëzim duke qenë misionar me fjalë dhe me vepra. HOMELIA – FESTA E ZOJES SE
SHKODRES – 22.10.2012 Imzot Angelo Massafra ofm – Arqipeshkëv Metropolit i
Shkodër-Pult