Удзельнікі Сінода: каталіцкія СМІ павінны адказаць на глыбокія пытанні чалавека
Каб інтэрнэт, тэлебачанне
і радыё сталі эфектыўнымі прыладамі перадачы Евангелля неабходна, каб працаўнікі сферы
сацыяльнай камунікацыі мелі ясную хрысціянскую ідэнтычнасць. Так мяркуюць удзельнікі
Сінода Біскупаў, які праходзіць у Рыме. “Прылады камунікацыі з’яўляюцца аднымі з самых
галоўных інструментаў евангелізацыі, якія Пан даў Касцёлу”, - адзначыў падчас асамблеі
генеральны міністр Ордэна Меншых Братоў канвентуальных а. Марко Таска. Паводле яго,
адметнасць звычайнага карыстальнікі мас-медыя, ад католіка прысутнага ў гэтай сферы,
заключаецца ў тым, што апошні мае ўнутры сябе глыбокую любоў да Хрыста і упэўненасць,
што добрай навіной трэба дзяліцца. Айцец Таска адзначыў, што сучасныя сродкі масавай
камунікацыі здольныя перадаць поўню зместу хрысціянскага паслання і ўсё залежыць ад
таго, наколькі правільна яны выкарыстоўваюцца.
На сённяшні дзень людзі чакаюць
ад каталіцкіх СМІ асаблівай інфармацыі: той якая тычыцца сэнсу жыцця, праўды, вызначэння
накірунку ў якім павінна рухацца чалавецтва. “Людзі шукаюць адказы на гэтыя пытанні.
Магчыма яны робяць гэта трохі дзіўна, не так ясна, не так відавочна, але гэта пытанні
якія кожны мужчына і жанчына мае ў сваім сэрцы. Такім чынам, гэта так цудоўна, што
мы можам паспрабаваць адказаць на гэты пошук”, - сказаў францішканін.
Айцец
Таска падкрэсліў, што католікам не трэба капіраваць распаўсюджаныя сёння спосабы камунікацыі.
Неабходна разважаць над тымі пытаннямі, што ставіць сучасны чалавек і паказваць, што
адказы на іх ён зможа знайсці ў Евангеллі і навучанні Касцёла.