Польскі іерарх: умацаваць катэхізацыю дарослых людзей
Неабходна ўмацаваць
катэхізацыю дарослых людзей, а не толькі моладзі і дзяцей. З такім заклікам падчас
Сінода Біскупаў выступіў арцыбіскуп Познаньскі Станіслаў Гандэцкі. Іерарх адзначыў,
што на працягу апошніх гадоў, у яго краіне, падчас катэхізацыі, увага пераважна надавалася
менавіта дзецям і моладзі. У выніку гэтага па-за евангелізацыяй і каталіцкай адукацыяй
апынулася цэлае пакаленне дарослых людзей. Ён падкрэсліў, што многія дарослыя не ў
стане сведчыць аб сваёй веры і навучай ёй дзяцей, бо валодаюць вельмі слабымі ведамі
аб ёй. Акрамя таго, існуе рызыка таго, што неадукаваныя дарослыя знішчаць тое зерне
веры, якое было дадзена дзецям у Касцёле, расказаў іерарх.
Каб адказаць на
гэты выклік, у Польшчы была створана школа падрыхтоўкі катэхетаў, якія ў першую чаргу
рыхтуюцца працаваць з людзьмі старэйшых пакаленняў. Паводле яго, вопыт дзейнасці гэтай
школы паказаў, што часта мова свецкіх, добра падкрыхтаваных катэхетаў, гучыць больш
пераканаўча для дарослых, чым мова святароў.