Kateri Tekakwitha të tërheq fort vëmendjen, ndërmjet shtatë shenjtorëve të
rinj. Ndoshta sepse është shenjtorja e parë lëkurëkuqe. E detyruar të ikë nga fshati
i saj, për shkak të fesë katolike e për të mos pranuar një martesë me shkuesi, u strehua
në një fis indianësh të Kanadasë, e ndërmjet tyre mundi t’ia kushtonte gjithë jetën
Jezusit. Këtë vashë, të njohur në shekull si ‘zëmbaku i irokezëve”, Gjon Pali II e
zgjodhi si ikonë të Ditës Botërore të Rinisë 2002 të Torontos. Ne intervistuam atë
Paolo Molinarin, postulator i Çështjes së shenjtërimit të lëkurëkuqes së parë.
Përgjigje:
- Është e para indiane, që paraqitet si shembull, kjo grua e re, e cila
jetoi në fshatrat indiane. Prej këndej, fakti që Kisha e shpall shenjte, është tejet
i rëndësishëm për indianët e veriut të Amerikës, të Kanadasë, që vuajtën shumë në
rrjedhë shekujsh nga kolonializimi, i cili ua grabiti trojet e tyre, pyjet e tyre:
i bën këto fise dhe pasurinë e kulturës së tyre të njohur në mbarë botën. E kjo u
vlerësua shumë që në kohët e Lumnimit, me dëshirën e Gjon Palit II. Më kujtohet sesi
asokohe shumë kryetarë fisesh, të cilët i njihja, galdonin, sepse Kisha po e njihte
vlerën e njërit prej tyre, e me këtë, edhe pasurinë e traditave, të kulturës së tyre,
tejet të lashtë.