Ամերիկայի Միացեալ Նահանգներու Արեւելեան Թեմը 100,000 Տոլար Փոխանցած Է Սուրիահայութեան։
Ամերիկայի Միացեալ Նահանգներու Արեւելեան թեմի առաջնորդարանը Հինգշաբթի, Հոկտեմբեր 18
թուակիր հաղորդագրութեամբ մը կը տեղեկացնէ, թէ այս շաբթուան ընթացքին 100,000 տոլար փոխանցած
է սուրիահայութեան օժանդակութեան համար Մեծի Տանն Կիլիկիոյ կաթողիկոսարանին կողմէ հաստատուած
յատուկ հաշիւին՝ զօրակցելով Սուրիոյ տագնապահար հայութեան օգնութեան հասնելու աշխատանքներուն: Գումարը
Արեւելեան թեմի ծուխերէն հաւաքուած է Սեպտեմբեր ամսուան ընթացքին: Սուրիահայութեան օժանդակութիւն
հասցնելու աշխատանքին առումով, առաջնորդարանը կը գործակցի Հայ կաթողիկէ եկեղեցւոյ առաջնորդարանին,
Հիւսիսային Ամերիկայի Հայ աւետարանական միութեան, Արեւելեան Ամերիկայի ՀՕՄի ու ՀՅԴի հետ: