Бэнэдыкт ХVI скіраваў спачувальную тэлеграму ахвярам тэракта ў Бейруце
20 кастрычніка Бэнэдыкт
ХVI выразіў свой вялікі боль з прычыны тэрарыстычнага замаха, які адбыўся 19 кастрычніка
ў Бейруце, у выніку якога загінула 8 чалавек і дзесяткі былі паранены. У спачувальнай
тэлеграме ад імя Святога Айца накіраванай мараніцкаму Патрыярху Антыёхіі Бехара Раі
кардынал ДзяржсакратарТарчызіо Бэртонэ адзначыў, што Папа рашуча асудзіў гэты акт
насілля, які “ заўсёды спрычыняе шмат цярпенняў”. Папа просіць ў Бога “даць Лівану
і ўсяму рэгіёну дар міру і згоды”. Пантыфік выказаў глыбокае спачуванне пацярпелым
і іх сем’ям і моліцца аб Божай дапамозе і суцяшэнні ў іх выпрабаваннях.
Кс.
Фэдэрыка Ламбардзі, кіраўнік Залы Друку Апостальскай Сталіцы назваў “абсурдным” забойства
шматлікіх нявінных асоб. “Тэракт у Бейруце заслугоўвае рашучага асуджэння. Гэты бессэнсоўны
гвалт не спрыяе мірнаму сужыццю ў Ліване”, - заявіў італьянскі езуіт. Ён паўтарыў
словы Бэндыкта ХVI, які падчас нядаўнага апостальскага падарожжа ў гэту краіну сказаў,
што “Ліван пакліканы быць пасланнікам міру і надзеі для тых, хто там жыве і для ўсяго
рэгіёну” . Кс. Ламбардзі выказаў надзею, што гэты тэракт не стане нагодай да далейшага
распаўсюджвання гвалту ў Ліване.