Në Sinod: Kardinali Dgjivish: për kumtimin e Ungjillit, duhen rishikuar gjuha e stili
i komunikimit.
Pas shndërrimeve të mëdha shoqërore, që u vërejtën gjatë dhjetëvjeçarëve të fundit
të shekullit XX, ishte Gjon Pali II ai, që e përdori i pari shprehjen “ungjillëzim
i ri”, duke dashur të tregojë me të misionin e Kishës në mijëvjeçarin e tretë. E kujton
këtë, sot, ditën e Festës liturgjike të të Lumit Karol Vojtila, e në sa vijon Sinodi
i Ipeshkvijve kushtuar pikërisht ungjillëzimit të ri, kardinali Stanislau Dgjivish:
Përgjigje:
- Ne i jemi shumë mirënjohës Atit të Shenjtë, Benediktit XVI, që mendoi
të rikthehej tek ideja e ungjillëzimit të ri, ide e shpallur dhe e dëshiruar nga Gjon
Pali II. Qëkur ishte në Krakovi, më 1979, pati folur për ungjillëzimin e ri, sepse
të krishterët ishin larguar tepër nga Krishti e nga Kisha. Duhet vënë me forcë në
dukje bukuria e rëndësia e fesë, e sidomos, njeriu duhet të afrohet përsëri tek Jezu
Krishti. Jam tejet i kënaqur, që ndodhem këtu, në Sinod. Është rast providencial.
E nuk është kurrë vonë për të ungjillëzuar e as për të arritur në botë, në mbarë botën,
jo vetëm tek të krishterët.
Pyetje: - Ç’mendoni për mënyrën e sotme
të komunikimit të Kishës me të rinjtë?
Përgjigje: - Duhet
rishikuar i gjithë komunikimi me botën e sotme, jo vetëm me të rinjtë, por me të gjithë.
Duhet reflektuar për mënyrat e transmetimit të fesë e edhe për gjuhën, me të cilën
duhet transmetuar.