՜՜Telepace Armenia՝՝ Խաղաղութեան Ձայնի՝ Հայկական Հեռուստաժամը Մրցանակակիր։

Երեւան։ Նախաձեռնութեամբ՝ Հ Հ Սփիւռքի նախարար Տիկ. Հրանուշ Յակոբեանին, 4-6 Հոկտեմբեր, տեղի ունեցաւ Լրագրողներու համահայկական 6-րդ համաժողովը որուն ընթացքին տեղի ունեցաւ Հայապահպանութեան գործին մէջ նշանակալի աւանդին համար համահայկական մրցանակաբաշխութիւն. եւ ի շարս այլ լրատուամիջոցներու ՜՜Խաղաղութեան Ձայնի՝ Հայկական Հեռուստաժամը՝՝ Հայոց Ցեղասպանութեան, անոր միջազգային ճանաչման, հատուցման իրաւունքի, հայկական պահանջատիրութեան ու նաեւ հայապահպանման ի խնդիր իր առաքելութեան համար արժանացաւ մրցանակի ու պատուոյ գիրին։
Արդարեւ Սփիւռքի մէջ նոր սերունդը դիւրաւ կ՝ենթարկուի ձուլումի, ասոր համար կարեւոր է անոնց տալ հայեցի դաստիարակութիւն ու անոնց սրտին ու հոգիին մէջ յարատեւ սերմանել ու արմատացնել հայկական զգացումը ու Մայրենին պահպանելու հրամայականը։
Աւելցնենք որ Հռոմի Հայ Համայնքի Խորհուրդի ՜՜Ախթամար- ելեկտրոնային երկլեզու պարբերաթերթը' Akhtamar on line-ը եւս արժանացաւ Պատուոյ Գիրի։
Շնորհաւորութիւններ ու բարեմաղթութիւններ Սփիւռքի տարածքին եւ Իտալիոյ մէջ գործող՝ հայկական լրատուամիջոցներուն։