ሎ ሶርቫቶረ ሮማኖ፦ ዝኽሪ መበል 50 ዓመት ካልኣይ ጉባኤ ቫቲካን

ብምኽንያት ዝኽሪ መበል 50 ዓመት ካልኣይ ጉባኤ ቫቲካን ሎ ሶርቫቶረ ሮማኖ እተሰምየ ናይ ቅድስቲ መንበር ዕለታዊ ጋዜጣ ቅዱስ ኣቦና ር.ሊ.ጳ. በነዲክቶስ መበል 16 ብዛዕባ ካልኣይ ጉባኤ ቫቲካን ኣመልኪቶም ብዝደርስዎ ሰመን ኣብ ቀዳማይ ገጽ ብምንባር ብዛዕባ ዝኽሪ መበል 50 ዓመት ካልኣይ ጉባኤ ቫቲካን ዘቕርቦ መደብ ፍሉይ ሕትመት ከምዝበገሰ ናይ ቅድስቲ መንበር መግለጺ ሓቢሩ።
ሎ ሶርቫቶረ ሮማኖ ብዛዕባ ካልኣይ ጉባኤ ቫቲካን ኣበጋግሳኡን ገና ከም ሓሳብ ተጸኒሱን ኣብ ውሽጢ ቤተ ክርስታያን ዝተውሃቦ ርእዮቶን ምዕባሌታቱን ምርግጋጹን ኮታ ኵለ መዳያዊ መልክዑ ዝገልጹ ዜናታትን ሓበሬታን ስእላዊ መግለጽታትን ሱታፌ ብፁጵዓን ጳጳሳትን ከምኡ እውን ካልኣይ ጉባኤ ቫቲካን ኣብ ዝተኻየደሉ እዋን ዝነበረ ናይ ዓለም ታሪኽ ዘጠቓለለ ኮይኑ መልስታት ካልኣይ ጉባኤ ቫቲካን ብምዝርዛር ቀጻልነቱን ኅዳሴታቱን ዘጠቓልል መደብ ፍሉይ ሕትመት ከምዝኸውን ናይ ቅድስቲ መንበር መግለጺ ሓቢሩ።