Հաւատոյ Տարուայ Առթիւ Նախաձեռնութիւններ։
Պենետիկտոս ԺԶ Սրբազան Քահանայապետին հռչակած Հաւատոյ Տարուայ (2012-2013) առթիւ, աշխարհի
զանազան քաղաքներու մէջ կը կազմակերպուին ձեռնարկներ եւ միջոցառումներ նշելու համար վատիկանեան
տիեզերական Բ ժողովի աշխատանքներու սկիզբի 50րդ յոբելեանի առթիւ հռչկաուած այս Տարին։
Հինգշաբթի 11 հոկտեմբերին՝ Փարիզի մէջ, ֆրանսայի եպիսկոպոսական համահաւաք դասի նախաձեռնութեամբ տեղի կ՛ունենայ <<երիտասարդները, եկեղեցին ու վատիկանեան տիեզերական Բ ժողովը>>խորագրով մամլոյ ասուլիս, ներկայացնելու համար <
Նոյն օրը, Պուէնոս Այրէսի՝ Յովհաննէս Պօղոս Բ անուան հանդիսասրահին մէջ Քահանայապետական Տան քարոզիչը՝ Հայր Րանիէրօ Գանդալամէսսան կը մասնակցի հանդիպումի մը, նշելու համար Վատիկանեան Տիեզերական Բ. Ժողովը ու Հաւատոյ Տարւոյն Բացումը։ Հանդիպման ձեռնարկը կազմակերպուած է Արկէնթինայի Քահանայապետական Կաթողիկէ Համալսարանի կողմէ եւ նախաձեռնութեամբ՝ Պուէնոս Այրէսի Արքեպիսկոպոսական Թեմին ։ Հանդիպման ընթացքին զեկուցողներու շարքին են նաեւ՝ Մէթոտիստ եկեղեցւոյ հովիւը՝ Նէսթոր Միկէզ, որուն հայրը մասնակցած էր Վատիկանեան Տիեզերական Բ ժողովի նիստերուն եւ հրեայ Ռաբունապետ՝ Ապրահամ Սգորգա՝ լատին ամերիկայի հրէական նորընծայարանի Րէկտորը, որ այս առթիւ Պատուոյ Տոքթորայի տիտղոսը կը ստանայ Արկէնթինայի Քահանայապետական Կաթողիկէ համալսարանէն։
| All the contents on this site are copyrighted ©. |