Երկարատեւ հիւանդութենէ ետք, Ուրբաթ, Հոկտեմբեր 5ին մահացած է արուեստի վաստակաւոր գործիչ,
յօրինող Էդուարդ Միրզոյեանը: Ան ծնած էր 1921ին, Վրաստանի Գորի քաղաքը, իսկ 1941ին
աւարտած է Երեւանի Կոնսերվատորիայի Վ. Տալեանի ստեղծագործական դասարանը: 1946-1948ին
ուսումը շարունակած է Մոսկուայի Հայ մշակոյթի տան երաժշտանոցին մէջ: 1956-1990ին ղեկավարը
եղած է Հայաստանի յօրինողներու միութեան: Անոր յայտնի ստեղծագործութիւններէն են՝ «Ասում
են, թէ…» (1939, Իսահակեանի խօսքերով), «Երազ տեսայ» (1941), «Հայրենիքն է կանչում» (1941),
«Սիմֆոնիք պարեր» (1947), «Տօնական նախերգանք» (1947), «Լարային քառեակ» (1947), «Սիմֆոնիա՝
լարային նուագախմբի» (1962): Հայ մեծանուն յօրինողը նաեւ շարք մը ֆիլմերու երաժշտութեան
հեղինակն է: