Յայտարարութիւն: «Օգնի՛ր Եղբօրդ» Ֆոնտը Հարստացաւ Այլ 5 Միլիոնով ։
«Օգնի՛ր Եղբօրդ» Կոչը հետզհետէ աւելի մեծ արձագանգ կը ստանայ Հայ ազգաբնակչութեան,
գործարարներու , եւ հայրենի մտաւորականութեան շրջանակէն ներս : Հայաստանի տարբեր
ուսումնական հաստատութիւններ ներկայացնող երիտասարդներ, աշակերտներ մի քանի օր շարունակ
փաթեթաւորում եւ արկղերու մէջ դասաւորած են առաջին անհրաժեշտութեան շուրջ 15 թոննոց
պարենամթերք ու դեղորայքը: Օգնութեան առաջարկներ եւ խոստումներ կը հասնին Հայաստանի
մարզերէն , եւ սփիւռքի տարբեր համայնքներէն :
Իսկ սուրիական ներկայ շարունակուող
հակամարտութեան արդիւնք մարդասիրական աղէտի մէջ գտնուող սուրիական համայնքի աջակցութեան
«Օգնի՛ր Եղբօրդ» կոչին արձագանգած է «Վիվասել-Էմ. Թի. Էս.» Ընկերութիւնը: Իր մարդասիրական-
բարեգործական ծրագրերով ծանօթ այս ընկերութիւնը արդարեւ սուրիահայ համայնքի աջակցութեան
համար կատարեց կարեւոր ներդրում` տրամադրելով 5 միլիոն դրամ: Մեր խորին երախտագիտութիւնը
«Վիվասել-Էմ.Թի.Էս.»-ին եւ բոլոր նուիրատուներուն : «ՕԳՆԻ՛Ր ԵՂԲՕՐԴ» ՔԱՂԱՔԱՑԻԱԿԱՆ
ՆԱԽԱՁԵՌՆՈՒԹԻՒՆ