Հալէպի Նոր Գիւղ Շրջանին Մէջ Երկու Հայեր Եւս Կը Սպաննուին։
Երէկ (5 հոկտեմբեր) գիշերուայ ժամը 22:30էն սկսեալ՝ յատկապէս հայաշատ Նոր Գիւղի թաղաշրջանը
ծանր ռմբակոծումներու ենթարկուած է «Հաուն» հրթիռներու օգտագործումով: Հրթիռներէն մէկը
հարուածած է Սուլէյմանէյի շրջանը, իսկ երկրորդ մը ճեմարանի շրջանին մէջ գտնուող «Զաւարեան»
դպրոցին մօտակայ թաղը, հայ ընտանիքի մը տան փլուզման պատճառ դառնալով: Զոհուած են Յասմիկ
Կիրակոսեանը եւ Պարսում Պարսումեանը: Ընտանիքի երեխան ծանրօրէն վիրաւորուած՝ հիւանդանոց
փոխադրուեցաւ: Վիրաւորներու թիւը յստակ չէ: Հայկական թաղաշրջաններուն հսկող յանձնախումբերը
կը զգուշացնեն թիպուկահարներու վտանգէն: Սուրիական հակամարտութեան ընթացքին զոհուած
է 32 հայեր , որուն եօթը զինուորներ : Երէկ այս յայտարարութեամբ ՀՀ Ազգային Ժողովին մէջ
յայտարարած է ՀՀ Սփիւռքի նախարար Հրանուշ Յակոբեանյ: Զոհուածներէն հինգը կիներ են,
26-ը՝ տղամարդ, մէկ երեխայ: Հինգը զոհուած են Դամասկոսի մէջ, 19-ը՝ Հալէպի, մէկը՝ Տէր-Զօրի,
մէկը՝ Հասիչէի, երկուքը՝ Հոմսի մէջ:
՝՝News.am՝՝ կը հաղորդէ թէ Հրանուշ Յակոբեանի
տեղեկութիւններով՝ Սուրիոյ մէջ ներկայիս դեռ իրավիճակը ծանր է, Հալէպ մուտք գործած է
15.000-նոց կառավարական զօրք, հակառակ կողմը տուած է մօտ 300 զոհեր : Պայթումներուն հետեւանքով
զոհուած է աւելի քան 30 քաղաքացի, որոնց մէջ հայեր չկան: