Գերապայծառ Էթէրովիչ. "Սիւնհոդոսական Նիստի Նախապատրաստական Աշխատանքը Ունի Երեք Ծաւալ.
Հոգեւոր, Հովուական - Աստուածաբանական եւ կազմակերպչական"։
Եպիսկոպոսական Սիւնհոդոսի ընդհանուր քարտուպար Գերապայծառ Նիքոլա Էթէրովիչը մամուլին
ներկայացնելով Նոր Աւետարանացումի նիւթով եպիսկոպոսական սիւնհոդոսը, խօսած է սիւնհոդոսի
աշխատանքներու նախապատրասատական հանգրուաններուն մասին, յայտնելով թէ անոնք բաժնուած
են երեք մասերու. Հոգեւոր, Հովուական - Աստուածաբանական եւ կազմակերպչական։ Ան անդրադարձած
է սիւնհոդոսի մասնակցող հայրերուն ու հրաւիրեալ մասնակիցներուն։ Գերապայծառ Էթէրովիչը
ներակայացուցած է հուսկ սիւնհոդոսի ընթացքին նախատեսուած կարեւոր ձեռնարկներր, կարեւոր
ելոյթներն ու սիւնհոդոսի օրակարգը ու աշխատանքային ծռագիրը։ Անդադառնալով աշխատանքներու
նախապատրասատական հանգրուաններուն Եպիսկոպոսական Սիւնհոդոսի ընդհանուր քարտուպարը շեշտը
դրած է հոգեւոր ծաւալին վրայ յայտնելով որ աղօթքը կ՛ընկերանայ եւ կ՛ ոգեւորէ սիւնհոդոսական
բոլոր աշխատանքները ։Գերապայծառ Էթէրովիչ ապա յայտնած է թէ սիւնհոդոսական այս շրջանի
ընթացքին Պենետիկտոս ԺԶ Սրբազան Քահանայապետը պիտի գլխաւորէ Սուրբ Զոհի չորս արարողութիւններ.
Սիւնհոդոսի բացման ու փակման արարողութիւնները, 7 եւ 28 հոկտեմբերին. Վատիկանեան Տիեզերական
Բ ժողովի աշխատանքներու սկիզբի նշման 50րդ յոբելեանի առթիւ Սուրբ Պետրոսի մէջ նախատեսուած
Սուրբ պատարագը ու ապա 21 հոկեմբերին` 7 երանելիներու հռչակման արարողութինը։ Գերպայածառ
Էթէրովիչ հուսկ խօսած է ՛՛Լինէամէնդայի՛՛ հարցարանի մասին որ է սիւնհոդոսական նիստի
նիւթերուն աշխատանքային հարցարանը որ ուղղուած էր աշխարհի համայն կաթոՂիկէ նուիրապետութիւններուն,
ներառեալ Արեւելեան եկեղեցիներուն եւ կրօնական հաստատութիւններուն։ ՛՛Լինէամէնդայի՛՛
- ուղեցոյց- հարցարանի պատասխաններու հիման վրայ է որ պատրաստուած է սիւնհոդոսի ընթացքին
շօշափուելիք նիւթերու նախագիծը։ Եպիսկոպոսական սիւնհոդոսի ընդհանուր քարտուղարը ապա խօսած
է կազմակերպչական գործնթացի մասին ու ներկայացուցած է Սիւնհոդոսի աշխատանքային ծրագրիի
մանրամասնութիւնները։
Գերպայծառ Էթէրովիչ ի ելոյթի ընթացքին նշած է թէ Սիւնհոդոսին
իրենց մասնակցութիւնը կը բերեն 262 սիւնհոդոսական հայրեր մատնանշելով թէ այս թիւը բացառիկ
է որովհետեւ ոչ մէկ սիւնհոդոս այսպիսի խուռն մասնակցութիւն տեսած է։ Գերապայծառ Էթէրովիչը
ապա ընգծած է սիւնհոդոսի համամիութենական բնոյթը, քոյր եկեղեցիներու ներկայացուցիչներու
մասնակցութեան ի տես։
Խօսքը եզրափակելով գերպայծառ Էթերովիչ հրաւիրած է հաւատացեալները
աղօթելու եւ նոր ոգեւորութեամբ ու քրիստոնէական կեանքի ապրումով Սուրբ Պետրոսի Յաջորդին
հետ միասին վկայելու "Դուն ես Քրիստոսը, Ողջ Աստուծոյ Որդին":