ஐன்ஸ்டீனைவிட அதிக அறிவுத்திறன் கொண்ட 12 வயது சிறுமி

அக்.05,2012. இங்கிலாந்தைச் சேர்ந்த 12 வயது சிறுமிக்கு அறிவியல் அறிஞர்கள் ஐன்ஸ்டீன், ஸ்டீபன் ஹாக்கிங்கைவிட அதிகளவு அறிவுத்திறன்(IQ) இருப்பது தெரியவந்துள்ளது.
லிவர்ஃபூல் பகுதியைச் சேர்ந்த 12 வயதான ஆலிவியா மேனிங், அறிவுத்திறன் போட்டியில் கலந்து கொண்டு 162 மதிப்பெண்கள் எடுத்துள்ளார்.
இந்த வெற்றியின் மூலம் உலகின் மிகவும் பழமையானதும், பெரியதுமான அதிக அறிவுத்திறன் பெற்ற சமூகமான மென்சாவில் இணையும் வாய்ப்பையும் ஆலிவியா பெற்றுள்ளார்.
அறிவியல்மேதைகள் ஐன்ஸ்டீன், ஹாக்கிங் ஆகியோரைவிட இவர் 2 மதிப்பெண்கள் அதிகம் பெற்று உலகில் அதிக நுண்ணறிவு கொண்டவர்களில் முதலிடத்தையும் பிடித்துள்ளார்.
இது குறித்து ஆலிவியா கூறுகையில், என்னுடன் படிக்கும் மாணவ, மாணவிகளில் நிறையப்பேர் என்னிடம் வந்து அவர்களது வீட்டுப்பாடங்களைச் செய்து தரும்படி கேட்பார்கள். இதை ஒரு சவாலாக எடுத்து என்னுடைய நினைவுத்திறனை வளர்த்துக் கொண்டேன் என்று தெரிவித்தார்.